Mozilla دا منشور

انٹرنیٹ ساݙی حیاتی دا ہک اہم حصہ بݨدا ویندے۔

Mozilla پروجیکٹ لوکاں دی ہک عالمی بیادری ہے جیڑھے یقین رکھیندے ہن جو کشادگی، اختراع، تے مواقع انٹرنیٹ دی مسلسل صحت دی کنجی ہن۔ اساں 1998 کنوں رل تے کم کیتا ہے تاں جو ایہ یقینی بݨایا ونڄ سڳے جو انٹرنیٹ کوں ایں طراں تیار کیتا ڳیا ہے جیندے نال ہر کہیں کو فائدہ تھیوے۔ اساں MozillaFirefox ویب براؤزر بݨاوݨ کیتے مشہور ہیں۔

Mozilla پروجیکٹ عالمی معیار دے اوپن سورس سافٹ ویئر بݨاوݨ تے نویں ونکی دیاں سانجھیاں سرگرمیاں تیار کرݨ کیتے کمیونٹی تے مبنی نقطہ نظر دا استعمال کریندا ہے۔ اساں انٹرنیٹ دے تجربے کوں اساں سبھݨیں کیتے بہتر بݨاوݨ وِچ شامل لوکوں دیاں کمیونٹیاں بݨیندے ہیں۔

انہاں کوششاں دے نتیجے وِچ، اساں اصولاں دا ہک مجموعہ تیار کیتا ہے جیڑھے اساکوں یقین ہے جو عوام دی بھلائی دے نال نال زندگی دے تجارتی پُکھاں کوں فائدہ پُڄاوݨ کیتے انٹرنیٹ کیتے اہم ہن۔ اساں ہیٹھ درج انہاں اصولاں کوں بیان کریندے ہیں۔

منشور دے اہداف ایہ ہن:

1. انٹرنیٹ کیتے ہک وژن واضح کرݨ جیہڑا Mozilla دے شرکاء چاہندن جو Mozilla Foundation اوندا پچھا کرے؛
2. لوکاں نال الاؤ بھانویں انہاں دا تکنیکی پس منظر ہووے بھانویں نہ ہووے۔
3. Mozilla دے بھائیوالاں کوں اساں جیڑھا کجھ کریندے ہیں اوندے اوتے فخر ہے تے اساکوں جاری رکھݨ دی ترغیب ݙیوو؛ تے
4. ٻنھاں لوکاں کوں انٹرنیٹ دے ایں ویژن کوں اڳوں تے ودھاوݨ کیتے ہک فریم ورج مہیا کرو۔

ایہ اصول آپے آپ جیندے نہ تھی ہوسن۔ انٹرنیٹ کوں کھلا تے شراکتی بݨاوݨ کیتے لوکاں دی لوڑ ہے — اینجھے لوک جیہڑے اکیلے اکیلے کم کریندے ہوون، گروپاں وچ رل کے کم کریندے ہوون تے ٻیاں دی اڳواݨی کریندے ہوون۔ Mozilla Foundation Mozilla منشور وچ ݙتے ڳئے اصولاں کوں اڳوں ودھاوݨ دا پابند ہے۔ اساں ٻیاں کوں دعوت ݙیندے ہاں جو ساݙے نال رلو تے انٹرنیٹ کوں ہر ہک کیتے ہور بہتر جاہ بݨاؤ۔

اینجھیاں خوبیاں آلا انٹرنیٹ آپے آپ جیندہ نہ تھی ہوسی۔ لوکاں تے تنظیماں کوں ایہ چاہتاں انٹرنیٹ ٹیکنالوجی وچ تے انٹرنیٹ نال انسان دے تجربے وچ پیوست کرݨیاں پوسن۔ Mozilla منشور تے ضمیمہ ایہناں چاہتاں کوں اڳوں ودھاوݨ کیتے Mozilla دے عہد دی نمائندگی کریندن۔ Mozilla ہر جاہ او لوکاں تے تنظیماں نال کم کریندا ہے جیہڑے انٹرنیٹ کوں ہر ہک کیتے ہور بہتر جاہ بݨاوݨا چاہندن۔

اگر تساں ایہ مقصد رکھدے ہو، تاں ساکوں ڈسو جو اساں تہاݙی کینویں مدد کر سگدے ہاں۔

• اساں اوپن سورس سافٹ ویئر بݨیندے ہاں جیندے اُتے تساں تعمیر کر سگدے ہو۔
• اساں فیلو کوں فنڈ ڈیندے ہاں تے منصوبیاں دی پرورش کریندے ہاں جنہاں دا مقصد آن لائن بہتر مستقبل بݨاوݨ ہے۔
• اساں اوپن سورس اے آئی ٹول بݨیندے ہاں جیہڑے ڈیویلپر کوں انتخاب ڈیندن، تے انہاں کوں پیسے بچاوݨ وچ مدد کریندن۔
• اساں ذمہ دار ٹیک اسٹارٹ اپ وچ سرمایہ کاری کریندے ہاں۔
• اساں عالمی برادری چلیندے ہاں منصفانہ ڈیٹا تبادلے کیتے۔
• اساں سالانہ عالمی اجتماع دی میزبانی کریندے ہاں انہاں لوکاں کیتے جیہڑے منشور کوں اڳوں ودھاوݨ کیتے کجھ وی بݨیندے ہن۔

تے یقیناً، اساں Firefox تے Thunderbird بݨیندے ہاں۔ ایہ سارا کم لوکاں دی مدد کرݨ کیتے ہے جو انٹرنیٹ کوں صحت مند جاہ بݨاوݨ۔